Saturday, August 13, 2005

HAPPY INDEPENDENCE DAY 2005 and KALJUGI DOHE

KALJUGI DOHAY



Sukh suwida ke kar liye, jamaa sabhi saaman;

Kaudi Paas na Prem kee, bante hain dhanwan



Sufi sant chalay gaye, sab jangal kee ore;

Mandir Masjid mein milay, rang birangay chore.



Jangal Jangal aaj bhi, naach rahe hein more;

Lekin basti mein mile, ghar ghar aadamkhore.



Safal wahi hai aajkal, wahi hua sirmaur;

Jiski kathnee aur hai, jiski karni aur.



Hamko yeh suwidha milee, paar utarne hetu;

Nadiya to hai aag ki, aur mom kaa setu.



Har koi hamko milaa, pehne huwe nakaab;

Kisko ab achcha kahein, kisko kahein kharrab.



Saagar se rakhti nahin, seepi koi aas;

Ek swati ki boond se, bujhh jaati hai pyaas.



Man se jo bhi bheint de, usko karo kabool;

Kaanta mile babool ka, ya goolar ka phool.



CHAAHE MAALA MAAL HO, CHAAHE HO KANGAAL;

HAR KOI KEHTA MILAA, DUNIYA HAI JANJAAL.





HAPPY INDEPENDENCE DAY

August 15 2055

SHER AND PUSHPA AGRAWAL (seattle, Washington, USA)

P.S; Please visit from time to time for interesting items my Blog: http://AGRASEN.blogspot.com, heading FACTS OF LIFE

0 Comments:

Post a Comment

<< Home